من طرف مرحبآإإ صبآيا..
شلوؤنكم آحلى كويتيآت...
بصرآحه صارلي فتره مبتعده عن المنتدى واول ماقدرت اشبك قلت لازم انزل موضوع
مو متكرر و تستفيدون منه كلكم إنشاللــــه.. ورآح اقولكم تجاربي مع واااايد مستحضرات
بدون ما ابالغ بالمدح ولما تاخذين المنتج تنصدمين انه مايستاهل كل هالخبه..( وصارت
معاي واااايد الله يعطيهم العافيه بعض العضوات واايد يبالغون)..واسراري اللي محد يعرفهم
عموما.. لازم تعرفون نقطه وايد مهمه بالمكياج...كل ما كان المكياج نظيف ..مرتب.. يعطي
مظهر نضر وصحي للبشره...وناعم ...وانيق.. كل ما طلعتي بصوره اجمل وانعم..
سبحان الله هالشي محد يقدر ينكره.. لا تبالغوون بالمكياج هاذي نصيحة اخت..لأن
راح يطلعكم بصوره اقبح ويبرز عيوب البشره... وهالشي الللي احنا ما نبيه
ياما شفت بناااات بدون مكياج وااايد احلى ولا ماسألتي نفسج ليش الكل يقولج ويهج بددون مكياج احلى ...
اكيد انج قاعده تستخدمينه بالطريقه الخاطئه..
انا مو يايه اتفلسف على روسكم ... لكن كل كلامي عن عن تجربه شخصيه
ومريت فيه من قبل...ولاحظت الفرق..ممم..
مابي اطول عليكم...بوريكم المنتجات اللي مو ماخذه حقها
واللي انا شخصيا ما استغنى عنها..
وانا من الناس ( اعوذ بالله من كلمة انا).. يهمني ان المظهر النهائي يكون صافي وامرتب
ونااعم ونضر ..واهتم بالمستحضرات اللي تعطيني هالنتيجه اكثر من ألوان قوس قزح
اللي يقتنيها ثلاثة ارباعكم..وبالمقابل النتيجه النهائيه قد تكون جلاحه وملاحه وابراز للمناطق
الداكنه وتحويل بعض الاماكن للون الرمادي..او استخدام الآي شدو على جفن جاااااف ..
وكلهااا خطوااات خاااااطئه
طبعا اغلبكم متزوجات..وتحب تكون لها طله بالبيت نعومه و بينكيااا و صحيه..
بدون ماتتعب بشرتها بمستحضرات تجميل ثقييييله على البشره..على شان جذي عندي حلول بديله...واكتشفتها بنفسي وصدقوني راح تدعون لي..لا خلطات ولا هم يحزنون
مع ان اختكم مو متزوجه وعمري صغير بس عبثيه واايد وقلت لازم افيدكم خصوصا اللي توهم
متزوجات معااااناااات وتحط منبه عشان تقوم قبله وتعدل شكلهاااا..ولويه..
وغير جذي دايما لما تشوفون بعض الفنانات بالتي في تقعدون تتحلطمون هذيل شيسون
هذيل شيحطون ..وانواع التحلطم ...
بسي قرقه بسي بسي بسي ...
بالاول نصايحي الذهبيه اللي اذكرها بكل موضوع :
1_ قبل المكياج لازم تمررين قطعه ثلج على بشرتج وعلى خشمج مده طويله ..يعطيح مظهر
مشدود اكثر خصوصا لما تقعدين من النوم وبتحطين مكياج حق الدوام وتكتشفين
ان ويهج صاير مخده من التتفخ وخشمج وارم ..وعيونج داشه داخل.. كثري من الثلج على ويهج
علشان يصحصح..انا ما استغنى عن هالخطوه..حتى دكتور التجميل اللي سوالي تجميل الانف
نصحني بهالشي...علشان يشد الخشم ويرفعه..بس عاد لا تتأملون ان خشومكم تنقلب فرنسيه... هالخطوه ممتازه بس لا تتوقعون شيء خيالي..
2_ لازم واقي الشمس اذا بتطلعين الصبح عشان تحافظين على بشرتج بلون موحد ..
3_ لازم كريم مرطب قبل المكياج ولازم مايكون وااايد ثقيل عشان ما يتكتل الاساس فوقه..وانصحج بالبيس لأن يوفر لج حمايه + نظاره+ ترطيب+ ثبات لكريم الاساس ..ومظهر منعش (((((( ولا تنسين اهم منطقه واهي تحت لفة الخشم لأن هالمكان يتقشر بسهوله ويعطيج مظهر يع..فا رطبيه بكثره ))))
4_ وايد حلو انج ترطبين ويهج بقطنه فيها ماي ورد...وتمررينها على كل ويهج..( توريد + تنظيف)..وفايدتها مالها نهايه..كافي انها نصيحة الايرانيات اللي الكل يتكلم عن بشرتهم الورديه
و نصيحة الصينيات اللي مايتغنون عن ماي الورد حتى مكياجهم تشمين فيه ماي ورد
5_ واخيرا والاهم..لا تمسحين ويهج بأي مناديل الا اذا كانت طبيه ..لأن مناديل الجمعيه ملوت
نيفيا و ربعهم..تسبب حبوب و بثور و اكياس دهن تحت الجلد ولويه...والحل الذهبي اللي ما استغنى عنه.....زيت الزيتون..يشيل المكياج كله ويرطب بشرتج لييييي ثاني يوم..
الحين نقدر نبدااا...
بدايةً...وايد من البنات يعانون من المسام المبطل حتى لما يحطون كريم الاساس يحسونه
يبرز هالعيب ببشرتهم..وكلكم ودكم تكون بشرتكم مشدوده ومثل بشرة البيبي مافيها خطوط
هالمنتج وايد حلوو..وانصحكم فيه قبل المكياج بعد البيس....اما اذا ماكنتي حابه تحطين مكياج
وقاعده بالبيت..وايد حلو انج تحطينه ممتاز..
المنتج الثاني..هاذا خطـــــــــــــــــــــــير بمعنى الكلمه لو اوصفه من الحين لي عقب باجر
ما اوفي حقه...مهم جداً للعرايس ..المتزوجات..ربات البيوت ..لووول والاهم بنات الثنويه
اللي ودهم بمستحضر محد يكشفه ولو تفركين ويهج مايروح
.. وطبيعي جداااً...
طبعا كلكم الحين قاعدين تتسائلون شنو هذا...بعد ماتحطين كريم مرطب..او بيس الميك اب
او كريمج الواقي من الشمس...تقدرين تحطين من هالمنتج
شكله مثل صبغ الاضافر... تحطين منه قطره على خدج تحت منطقة الكولسينر..على الخد من فوق...4 ثواني...او 5 ..وتفركينه...ويصير شكل الخط اموووورد بس لازم تعرفين متى تفركينه
اذا تأخرتي شوي..راح يطلع شكل القطره على خدج ويبين...واذا مسحتيه ابسرعه ماراح يعطيج
النتيجه الثابته والمطلوبه... مع الاستعمال راح تعرفين له عدل.... لا وفي له 3 درجات
انا حبيت هالدرجه درجة البيبي بينك لأنها انعم و طبيعيه اكثر...وماشيه على كل انواع البشره
والوانها...سواء كنتي بيضه او سمره راح يطلع عليج نااايس..
الكاميرا وااايد ظالمه النتيجه...على فكره انا ما استغنى عنه بالبيت والكل عبالهم خدودي ورديه
مايدرون شالطبخه والاحلى لما احطه فوق كريمات العنايه وانام ..لا وتقدرين تستخدمينه
على شفايفج بعد...يطلع اينن..واذا تبينه شايني اكثر حطي فوقه قلوس تصيرين صج بيبي...
وايد حلوه الحركه للبيت...للزواره اللي مافيها ناس غرب..للي تبي تطلع جدام خالتها ام ريلها
وماتبي تخبص ميك اب...ولبنات الثنويه خراب
ثالث شي احبه اقوله..
لازم كل وحده تكون عندها مستحضرات للحفاظ على ثبات المكياج وللمحافظه على مظهر
نضر..
انصح بهالمجموعه من ماك..طبعا قبل فتره كان في مجموعه لهالمستحضرات بسعر وايد
مغري...لكن اللي ماتعرفونه ..ان اي مجموعه تنزلها ماااك ويكون سعرها جداً رخيص
من سابع المستحيلات يكونون نفس المستحضر بمواده يعني لازم فيه شي..
او قريب ينتهي..او مو نفسه..يعني لا يغشونكم..انصحكم تشترون كل مستحضر بروح
اول شي الاسود هذا بيس ( بيز) ماك..واااايد شايني..اتوقع مايصلح لكل انواع البشره
علشان جذي جربيه بالمحل للأمانه علشان اكون صريحه معاكم...وحتى لو كنتي حابه
تشترينه..لا توزعينه على كل الوي...بس على راس الخدين ( الوجنتين)..وعلى الذقن( الحنج)
وقمة خشمج ( نص الخشم)...ونقطه صغيره على اليبهه..اذا كانت يبهتج واسعه لا تحطين منه
اذا كانت بشرتج جداً دهنيه لا تستخدمين البيز هذا ابتعدي عنه نهائيا..
اللي يمه ( الفكس)..هاذا حبيبي و ولدي و دنيتي..مستحيل اطلع بدونه...اذا كنتي حاطه
مكياج شوي تحسينه شاحب..ولأن البشره بعد ماتمتص كريم الاساس تعطيج مظهر شاحب
او اذا استخدمتي الكومباكت بودر ( البودره المضغوطه ) وعطتج مظهر اجلح لأي سبب من الاسباب...رشي من الفكس كـ خطوه نهائيه واحتفظي فيه بجنطته كل ماحسيتي ويهج
نشف رشي منه..( و وايد مهم للبشره الجافه والمتقشره..راح يفيدكم انشالله..)
بس سكري خشمج لما بترشين..ساعات لما تتنفسينه تحسينه يخنق شوي...
الريموفر مال ماك ..مستحضر زيتي يشيل الميك اب..اهوا زين لكن وااايد له بدائل ومايستاهل
بصراحه..زيت الزيتون يغنيج عنه...بس ما اقدر انكر انه ريحته وايد حلوه ويعطيج لمعه بعد
ازالة المكياج
مم شنو بقى...اي ..المدور هذا..عباره عن ماده مثل البودره..اذا كنتي تستعملين
الفاونديشن السائل كخطوه نهائيه وزعي بالفرشه من هالبودره على ويهج..بس قبل البلاشر
راح يسكر لج المسام يعطيج مظهر نظهر خصوصا تحت العين ..مايعطيج مظهر متكتل للكولسينر
تحسين بشرتج نظيفه...ومشدوده..و وااااايد احبه..
شلوؤنكم آحلى كويتيآت...
بصرآحه صارلي فتره مبتعده عن المنتدى واول ماقدرت اشبك قلت لازم انزل موضوع
مو متكرر و تستفيدون منه كلكم إنشاللــــه.. ورآح اقولكم تجاربي مع واااايد مستحضرات
بدون ما ابالغ بالمدح ولما تاخذين المنتج تنصدمين انه مايستاهل كل هالخبه..( وصارت
معاي واااايد الله يعطيهم العافيه بعض العضوات واايد يبالغون)..واسراري اللي محد يعرفهم
عموما.. لازم تعرفون نقطه وايد مهمه بالمكياج...كل ما كان المكياج نظيف ..مرتب.. يعطي
مظهر نضر وصحي للبشره...وناعم ...وانيق.. كل ما طلعتي بصوره اجمل وانعم..
سبحان الله هالشي محد يقدر ينكره.. لا تبالغوون بالمكياج هاذي نصيحة اخت..لأن
راح يطلعكم بصوره اقبح ويبرز عيوب البشره... وهالشي الللي احنا ما نبيه
ياما شفت بناااات بدون مكياج وااايد احلى ولا ماسألتي نفسج ليش الكل يقولج ويهج بددون مكياج احلى ...
اكيد انج قاعده تستخدمينه بالطريقه الخاطئه..
انا مو يايه اتفلسف على روسكم ... لكن كل كلامي عن عن تجربه شخصيه
ومريت فيه من قبل...ولاحظت الفرق..ممم..
مابي اطول عليكم...بوريكم المنتجات اللي مو ماخذه حقها
واللي انا شخصيا ما استغنى عنها..
وانا من الناس ( اعوذ بالله من كلمة انا).. يهمني ان المظهر النهائي يكون صافي وامرتب
ونااعم ونضر ..واهتم بالمستحضرات اللي تعطيني هالنتيجه اكثر من ألوان قوس قزح
اللي يقتنيها ثلاثة ارباعكم..وبالمقابل النتيجه النهائيه قد تكون جلاحه وملاحه وابراز للمناطق
الداكنه وتحويل بعض الاماكن للون الرمادي..او استخدام الآي شدو على جفن جاااااف ..
وكلهااا خطوااات خاااااطئه
طبعا اغلبكم متزوجات..وتحب تكون لها طله بالبيت نعومه و بينكيااا و صحيه..
بدون ماتتعب بشرتها بمستحضرات تجميل ثقييييله على البشره..على شان جذي عندي حلول بديله...واكتشفتها بنفسي وصدقوني راح تدعون لي..لا خلطات ولا هم يحزنون
مع ان اختكم مو متزوجه وعمري صغير بس عبثيه واايد وقلت لازم افيدكم خصوصا اللي توهم
متزوجات معااااناااات وتحط منبه عشان تقوم قبله وتعدل شكلهاااا..ولويه..
وغير جذي دايما لما تشوفون بعض الفنانات بالتي في تقعدون تتحلطمون هذيل شيسون
هذيل شيحطون ..وانواع التحلطم ...
بسي قرقه بسي بسي بسي ...
بالاول نصايحي الذهبيه اللي اذكرها بكل موضوع :
1_ قبل المكياج لازم تمررين قطعه ثلج على بشرتج وعلى خشمج مده طويله ..يعطيح مظهر
مشدود اكثر خصوصا لما تقعدين من النوم وبتحطين مكياج حق الدوام وتكتشفين
ان ويهج صاير مخده من التتفخ وخشمج وارم ..وعيونج داشه داخل.. كثري من الثلج على ويهج
علشان يصحصح..انا ما استغنى عن هالخطوه..حتى دكتور التجميل اللي سوالي تجميل الانف
نصحني بهالشي...علشان يشد الخشم ويرفعه..بس عاد لا تتأملون ان خشومكم تنقلب فرنسيه... هالخطوه ممتازه بس لا تتوقعون شيء خيالي..
2_ لازم واقي الشمس اذا بتطلعين الصبح عشان تحافظين على بشرتج بلون موحد ..
3_ لازم كريم مرطب قبل المكياج ولازم مايكون وااايد ثقيل عشان ما يتكتل الاساس فوقه..وانصحج بالبيس لأن يوفر لج حمايه + نظاره+ ترطيب+ ثبات لكريم الاساس ..ومظهر منعش (((((( ولا تنسين اهم منطقه واهي تحت لفة الخشم لأن هالمكان يتقشر بسهوله ويعطيج مظهر يع..فا رطبيه بكثره ))))
4_ وايد حلو انج ترطبين ويهج بقطنه فيها ماي ورد...وتمررينها على كل ويهج..( توريد + تنظيف)..وفايدتها مالها نهايه..كافي انها نصيحة الايرانيات اللي الكل يتكلم عن بشرتهم الورديه
و نصيحة الصينيات اللي مايتغنون عن ماي الورد حتى مكياجهم تشمين فيه ماي ورد
5_ واخيرا والاهم..لا تمسحين ويهج بأي مناديل الا اذا كانت طبيه ..لأن مناديل الجمعيه ملوت
نيفيا و ربعهم..تسبب حبوب و بثور و اكياس دهن تحت الجلد ولويه...والحل الذهبي اللي ما استغنى عنه.....زيت الزيتون..يشيل المكياج كله ويرطب بشرتج لييييي ثاني يوم..
الحين نقدر نبدااا...
بدايةً...وايد من البنات يعانون من المسام المبطل حتى لما يحطون كريم الاساس يحسونه
يبرز هالعيب ببشرتهم..وكلكم ودكم تكون بشرتكم مشدوده ومثل بشرة البيبي مافيها خطوط
هالمنتج وايد حلوو..وانصحكم فيه قبل المكياج بعد البيس....اما اذا ماكنتي حابه تحطين مكياج
وقاعده بالبيت..وايد حلو انج تحطينه ممتاز..
 | انقر هنا لمشاهدة الصوره بحجمها الطبيعي. الحجم الاصلي لهذه الصوره هو 2048x1536 242kb |
| انقر هنا لمشاهدة الصوره بحجمها الطبيعي. الحجم الاصلي لهذه الصوره هو 2048x1536 238kb |
المنتج الثاني..هاذا خطـــــــــــــــــــــــير بمعنى الكلمه لو اوصفه من الحين لي عقب باجر
ما اوفي حقه...مهم جداً للعرايس ..المتزوجات..ربات البيوت ..لووول والاهم بنات الثنويه
اللي ودهم بمستحضر محد يكشفه ولو تفركين ويهج مايروح
.. وطبيعي جداااً... | انقر هنا لمشاهدة الصوره بحجمها الطبيعي. الحجم الاصلي لهذه الصوره هو 2048x1536 283kb |
طبعا كلكم الحين قاعدين تتسائلون شنو هذا...بعد ماتحطين كريم مرطب..او بيس الميك اب
او كريمج الواقي من الشمس...تقدرين تحطين من هالمنتج
| انقر هنا لمشاهدة الصوره بحجمها الطبيعي. الحجم الاصلي لهذه الصوره هو 2048x1536 294kb |
| انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1792x1344 189kb |
شكله مثل صبغ الاضافر... تحطين منه قطره على خدج تحت منطقة الكولسينر..على الخد من فوق...4 ثواني...او 5 ..وتفركينه...ويصير شكل الخط اموووورد بس لازم تعرفين متى تفركينه
اذا تأخرتي شوي..راح يطلع شكل القطره على خدج ويبين...واذا مسحتيه ابسرعه ماراح يعطيج
النتيجه الثابته والمطلوبه... مع الاستعمال راح تعرفين له عدل.... لا وفي له 3 درجات
انا حبيت هالدرجه درجة البيبي بينك لأنها انعم و طبيعيه اكثر...وماشيه على كل انواع البشره
والوانها...سواء كنتي بيضه او سمره راح يطلع عليج نااايس..
| انقر هنا لمشاهدة الصوره بحجمها الطبيعي. الحجم الاصلي لهذه الصوره هو 1792x1344 208kb |
الكاميرا وااايد ظالمه النتيجه...على فكره انا ما استغنى عنه بالبيت والكل عبالهم خدودي ورديه
مايدرون شالطبخه والاحلى لما احطه فوق كريمات العنايه وانام ..لا وتقدرين تستخدمينه
على شفايفج بعد...يطلع اينن..واذا تبينه شايني اكثر حطي فوقه قلوس تصيرين صج بيبي...
وايد حلوه الحركه للبيت...للزواره اللي مافيها ناس غرب..للي تبي تطلع جدام خالتها ام ريلها
وماتبي تخبص ميك اب...ولبنات الثنويه خراب
ثالث شي احبه اقوله..
لازم كل وحده تكون عندها مستحضرات للحفاظ على ثبات المكياج وللمحافظه على مظهر
نضر..
انصح بهالمجموعه من ماك..طبعا قبل فتره كان في مجموعه لهالمستحضرات بسعر وايد
مغري...لكن اللي ماتعرفونه ..ان اي مجموعه تنزلها ماااك ويكون سعرها جداً رخيص
من سابع المستحيلات يكونون نفس المستحضر بمواده يعني لازم فيه شي..
او قريب ينتهي..او مو نفسه..يعني لا يغشونكم..انصحكم تشترون كل مستحضر بروح
| انقر هنا لمشاهدة الصوره بحجمها الطبيعي. الحجم الاصلي لهذه الصوره هو 2048x1536 369kb |
اول شي الاسود هذا بيس ( بيز) ماك..واااايد شايني..اتوقع مايصلح لكل انواع البشره
علشان جذي جربيه بالمحل للأمانه علشان اكون صريحه معاكم...وحتى لو كنتي حابه
تشترينه..لا توزعينه على كل الوي...بس على راس الخدين ( الوجنتين)..وعلى الذقن( الحنج)
وقمة خشمج ( نص الخشم)...ونقطه صغيره على اليبهه..اذا كانت يبهتج واسعه لا تحطين منه
اذا كانت بشرتج جداً دهنيه لا تستخدمين البيز هذا ابتعدي عنه نهائيا..
اللي يمه ( الفكس)..هاذا حبيبي و ولدي و دنيتي..مستحيل اطلع بدونه...اذا كنتي حاطه
مكياج شوي تحسينه شاحب..ولأن البشره بعد ماتمتص كريم الاساس تعطيج مظهر شاحب
او اذا استخدمتي الكومباكت بودر ( البودره المضغوطه ) وعطتج مظهر اجلح لأي سبب من الاسباب...رشي من الفكس كـ خطوه نهائيه واحتفظي فيه بجنطته كل ماحسيتي ويهج
نشف رشي منه..( و وايد مهم للبشره الجافه والمتقشره..راح يفيدكم انشالله..)
بس سكري خشمج لما بترشين..ساعات لما تتنفسينه تحسينه يخنق شوي...
الريموفر مال ماك ..مستحضر زيتي يشيل الميك اب..اهوا زين لكن وااايد له بدائل ومايستاهل
بصراحه..زيت الزيتون يغنيج عنه...بس ما اقدر انكر انه ريحته وايد حلوه ويعطيج لمعه بعد
ازالة المكياج
مم شنو بقى...اي ..المدور هذا..عباره عن ماده مثل البودره..اذا كنتي تستعملين
الفاونديشن السائل كخطوه نهائيه وزعي بالفرشه من هالبودره على ويهج..بس قبل البلاشر
راح يسكر لج المسام يعطيج مظهر نظهر خصوصا تحت العين ..مايعطيج مظهر متكتل للكولسينر
تحسين بشرتج نظيفه...ومشدوده..و وااااايد احبه..
الدردشة|منتديات ديوانية الكويتيات